Toshkent – o'tmish va kelajak kesishadigan shahar
Mundarija
Tarix yashashda davom etadigan, an’analar yangicha ifoda topadigan va o‘tmish kelajakka ilhom beradigan Toshkentni kashf eting.
Toshkent – Sharq zamonaviylik bilan uchrashadigan, ko‘p asrlik tarix izlari katta poytaxtning jo‘shqin hayot sur’ati bilan yonma-yon yashaydigan shahar. Qadimiy masjid va madrasalar, gavjum bozorlar va soya-salqin bog‘lar, sovet davri me’morchiligi va zamonaviy madaniyat maskanlari bu yerda uyg‘un shahar manzarasini yaratadi.
Toshkent bo‘ylab sayr qilib, bir kunning o‘zida qadimiy mahallalardan zamonaviy maydonlar va san’at maskanlarigacha borishingiz, Sharq bozoriga kirishingiz, mashhur Toshkent metrosida bir necha bekat yurishingiz, tushlikda xushbo‘y palovdan tatib ko‘rishingiz va kunni milliy taomlar restoranidagi kechki ovqat bilan yakunlashingiz mumkin.
Qadimiy Toshkent
Eski shaharda Toshkent o‘zini moviy gumbazlar, sokin hovlilar, qadimiy madrasalar va Sharq bozorining shovqin-suroni orqali namoyon etadi. Bu yerda asrlar davomida Buyuk ipak yo‘lining savdo va madaniy yo‘nalishlari kesishgan shahar muhitini ayniqsa yaqqol his etish mumkin.
Tashrif buyurishga arziydigan joylar:
- Hazrati Imom majmuasi
- Tillashayx masjidi
- Baroqxon madrasasi
- Ko‘kaldosh madrasasi
- Chorsu bozori
Tarix va muzeylar
Toshkent tarixi ko‘p asrlarga borib taqaladi. U bilan nafaqat eski shahar ko‘chalarida, balki poytaxt muzeylarida ham tanishish mumkin. Muzeylar O‘zbekistonni arxeologik topilmalar, qadimiy qo‘lyozmalar, san’at, hunarmandchilik va buyuk hukmdorlar merosi orqali kashf etish imkonini beradi.
Tashrif buyurishga arziydigan joylar:
- O‘zbekiston tarixi davlat muzeyi
- Temuriylar tarixi davlat muzeyi
- O‘zbekiston amaliy san’at muzeyi
- O‘zbekiston davlat san’at muzeyi
- O‘zbekiston tasviriy san’at galereyasi
Islom merosi
Toshkentda qadimiy an’analar zamonaviy muzey muhiti bilan uyg‘unlashadi. O‘zbekistondagi yangi Islom sivilizatsiyasi markazi mintaqadagi islom sivilizatsiyasi tarixiga ilm-fan, ta’lim, san’at va madaniy meros orqali nazar tashlash imkonini beradi.
Tashrif buyurishga arziydigan joylar:
- O‘zbekiston Islom sivilizatsiyasi markazi
- Hazrati Imom majmuasi
Teatr va musiqa
Oqshom cho‘kishi bilan Toshkent musiqa, teatr va balet orqali o‘zining yana bir qirrasini namoyon etadi. Teatrlarning mahobatli binolari madaniy sayohatning bir qismiga aylanadi, sahnalarda esa mumtoz meros va zamonaviy san’at uyg‘unlashadi.
Tashrif buyurishingiz mumkin:
- Alisher Navoiy nomidagi davlat akademik katta teatri
- O‘zbek milliy akademik drama teatri
- O‘zbekiston davlat akademik rus drama teatri
- Musiqali komediya teatri
- Toshkent davlat qo‘g‘irchoq teatri
Zamonaviy san’at
Zamonaviy Toshkent rassomlar, dizaynerlar va ijodiy hamjamiyatlar uchrashadigan maskanga tobora ko‘proq aylanmoqda. Yangi madaniyat maskanlari O‘zbekistonning dadil, zamonaviy va kelajakka intilayotgan qiyofasini ochib beradi.
Tashrif buyurishga arziydigan joylar:
- Toshkent zamonaviy san’at markazi
- Toshkent fotosuratlar uyi
- O‘zbekiston tasviriy san’at galereyasi
Shahar ostidagi shahar
Toshkent metrosi – haqiqiy yerosti galereyasi. Har bir bekat o‘ziga xos qiyofaga ega: mozaikalar, naqshlar, ustunlar va bezaklar oddiy safarni shahar me’morchiligi bo‘ylab kichik sayohatga aylantiradi.
Ko‘rishga arziydigan bekatlar:
- “Kosmonavtlar” bekati
- “Alisher Navoiy” bekati
- “Paxtakor” bekati
- “O‘zbekiston” bekati
Bozorlar va Sharq muhiti
Toshkentning haqiqiy hayot sur’atini his etish uchun bozorga boring. Bu yerda shahar yanada shovqinli, rang-barang va iforlarga boy: sotuvchilar mevalar va ziravorlar taklif etadi, uyum-uyum quruq mevalar yonida nonlar, yong‘oqlar va an’anaviy shirinliklar joy olgan.
Tashrif buyurishga arziydigan joylar:
- Chorsu bozori
- Oloy bozori
- Mirobod bozori
O‘zbekiston ta’mlari
O‘zbekistonni uning taomlaridan tatib ko‘rmasdan to‘liq kashf etib bo‘lmaydi. Bu yerda taom mehmondo‘stlik madaniyatining bir qismidir: keng dasturxon do‘stlar va notanish insonlarni bir davraga jamlaydi, palov, kabob va yangi yopilgan non ifori esa safarning eng yorqin xotiralaridan biri bo‘lib qoladi. Palov, tandir somsa, manti, lag‘mon, kabob, achchiq-chuchuk salati va issiq nondan tatib ko‘ring – Toshkent o‘zini sizga ta’mlari orqali ochib bersin.
Toshkentdan tashqarida
Agar dasturingiz yana bir kun qolishga imkon bersa, tog‘larga sayohat qiling. Poytaxtdan atigi bir necha soatlik masofada shahar manzarasi keng vodiylar, tog‘ cho‘qqilari va Chorvoqning feruza suvlari bilan almashadi.
Tashrif buyurishingiz mumkin:
- Chimyon – tog‘lar va xushmanzara tabiat qo‘ynidagi sayohat yo‘nalishlari
- Chorvoq suv ombori – tog‘lar orasidagi feruza suvlar
- Amirsoy – zamonaviy tog‘ kurorti
- Beldersoy – tog‘ manzaralari va faol dam olish
O'zbekiston bo'ylab sayohatlar
O‘zbekiston o‘z tarixini sizga qadimiy shaharlari, mahobatli me’morchiligi, Sharq an’analari va xalqining mehmondo‘stligi orqali so‘zlab bersin. O‘tmish bugungi hayotda yashashda davom etayotgan mamlakatni kashf eting.
Ushbu shaharlarga sayohat qilishni tavsiya etamiz:
- Samarqand – afsonalar jonlanadigan shahar
- Buxoro – qadimiy Sharq nafasi
- Xiva – asrlar osha sayohat